Ступинка негізгі мектебінде наурыздың 19күні Наурыз мейрамы мерекесіне орай «Күй күмбірі» атты челлендж өткізілді. Іс-шараның негізгі мақсаты – оқушыларға қазақтың ұлттық өнерін насихаттау, күй өнеріне деген қызығушылығын арттыру және ұлттық құндылықтарды дәріптеу болды.
Челлендж барысында оқушылар қазақтың халық күйлерін орындап, домбыра аспабында өз өнерлерін көрсетті. Сонымен қатар, күйдің шығу тарихы мен мазмұны туралы мағлұматтар беріліп, ұлттық музыкаға деген құрмет сезімі қалыптастырылды.
Іс-шараға мектеп оқушылары мен мұғалімдері белсене қатысып, челлендж жоғары деңгейде ұйымдастырылды. Оқушылардың өнерге деген қызығушылығы артып, шығармашылық қабілеттері дамыды.

Қорытындылай келе, «Күй күмбірі» челленджі оқушылардың рухани-мәдени дамуына оң әсерін тигізіп, ұлттық өнерді дәріптеуде маңызды рөл атқарды.