СҚО әкімдігі жанындағы құқық бұзушылықтардың алдын алу жөніндегі ведомствоаралық комиссия (МВК) отырысының хаттамаларын орындау аясында Ступинка негізгі мектебінде 5–9 сынып оқушылары арасында құқық бұзушылықтардың алдын алу мақсатында бейнероликтер көрсету ұйымдастырылды.

Аталған іс-шараның басты мақсаты – оқушыларға құқықтық тәрбие беру, олардың құқықтық сауаттылығын арттыру, заң талаптарын құрметтеуге тәрбиелеу және құқық бұзушылықтың алдын алу.

Көрсетілген бейнематериалдар барысында оқушылар құқық бұзушылықтың түрлері, оның салдары, заң алдындағы жауапкершілік туралы мәліметтер алды. Сонымен қатар, зиянды әдеттердің алдын алу, қауіпсіз мінез-құлық қалыптастыру мәселелері қамтылды.

Іс-шараға 5–9 сынып оқушылары толық қамтылды. Көрсетілім соңында сынып жетекшілері тарапынан түсіндірме жұмыстары жүргізіліп, оқушылармен пікір алмасу ұйымдастырылды.

Жүргізілген жұмыс оқушылардың құқықтық мәдениетін қалыптастыруға және құқық бұзушылықтың алдын алуға оң әсерін тигізді.